Բարև մարդիկ: Ես գիտեմ, որ այն, ինչ մենք հիմա ապրում ենք, կարող է խուճապ, վախ և անորոշություն առաջացնել, սակայն կարծում եմ՝ կարևոր է, որ օգտագործենք սոցիալական հեռավորության այս պահը՝ հեռակա կարգով միավորվելու այն միջոցներով, որոնք հաճախ են մեզ բաժանել անցյալում: Օգտագործե՛ք այս ժամանակը՝ համոզվելու, որ ձեր սիրելի մարդիկ ապահով են, դրական հույզերով պարուրելու նրանց, ովքեր ընկճված են, և կատարելու խելացի ընտրություն, որը կպաշտպանի ձեզ շրջապատող մարդկանց:
Բոլորն ունեն տեղաշարժման սահմանափակում, որը կոչվում է «կարանտին» (մեկուսացում): Այն նախատեսված է հիվանդության կամ ժանտախտի տարածումը կանխելու համար և հաճախ կիրառվում է հիվանդության կամ ախտի ժամանակ՝ կանխելով այն մարդկանց տեղաշարժը, ովքեր, հնարավոր է, վարակվել են հիվանդությամբ, սակայն չունեն հաստատված բժշկական ախտորոշում: Կարանտինն օգնում է նվազեցնել վարակի տարածումը բնակչության շրջանում: Գիտեմ՝ ձանձրալի է այսպես վարվել և մնալ տանը, բայց այս ձևով վերահսկում ենք կորոնավիրուսի տարածումը: Իսկապես, եղե՛ք խելացի, մարդկանց շատ մոտ մի՛ կանգնեք և պահպանե՛ք հեռավորություն:
Կարանտինի ընթացքում պետք է շարունակեք ձեր սովորական առօրյան հնարավորինս շատ, պահպանեք դրական տրամադրվածություն և վերաբերվեք կարանտինին այնպես, ասես հնարավորություն է՝ զբաղվելու այն գործերով, որոնց համար սովորաբար ժամանակ չեք ունենում:
Աշխարհում կորոնավիրուսի դեպքերի քանակի աճով պայմանավորված` մենք շատ ենք լսում այն մասին, թե ինչպես են սոցիալական հեռավորությունը, ինքնակառավարումը և նույնիսկ կարանտինը նպաստում կորոնավիրուսը զսպելու ջանքերին: Առաջին բանը, որ պետք է անել, հետևյալն է՝ «Մեծացնել հեռավորությունը և դադարեցնել ձեռքսեղմումները»:
Այժմ, երբ բոլորս փակված ենք տանը, ի՞նչ ենք անելու այսքան շատ ազատ ժամանակի հետ:
Ունեմ մի քանի գաղափարներ, որոնցով կարող եմ կիսվել՝ ձեր ձանրույթը մեղմելու համար: Դրանցից որոշները ես իրականում կիրառում եմ: Դուք կարող եք՝
- ավարտել երկար սպասված գիրքը/ սկսել գրքեր կարդալ,
- դասավորել զգեստապահարանը,
- ժամանակ անցկացնել ընտանիքի հետ,
- բույսեր աճեցնել, եթե այգի ունեք,
- դիտել ձեր սիրելի ֆիլմերը,
- հոբբի ձեռք բերել,
- ներկել, նկարել և պատրաստել,
- եփել և հյուրասիրվել քաղցր խմորեղենով,
- գրել բանաստեծություն և տեսնել՝ այդ տաղանդն ունե՞ք արդյոք,
- դիտել Netflix ֆիլմեր և ուտել շատ ադիբուդի,
- տեսազանգ կատարել ընկերներների հետ,
- մարզվել տանը,
- ներբեռնել Duolingo կամ նմանատիպ ծրագիր և ինքնուրույն սովորել օտար լեզու,
- փրփուրով լոգանք ընդունել (բոնուս՝ ավելացնել մեկ գավաթ գինի),
- կազմել բոլոր թանգարանների, սպորտային միջոցառումնեի և համերգների լիստը, որոնք ուզում եք այցելել վերջապես վերաբացվելուց հետո,
- դուրս բերել լեգոները և կառուցել տուն ձեր տան ներսում,
- խաղալ փազլ (Կարանտինը կավարտվի, իսկ փազլը՝ոչ: Հավատացեք ինձ, այն շատ լավ խաղ է ձեր ժամանակը լցնելու համար, և ձեր միտքը զբաղեցրեք ամեն ինչով, ոչ միայն կորոնավիրուսի թեմայով),
և վերջին բանը, որ կարող եք անել, և ենթադրաբար ձեզանից շատերն են անում՝
- քնել:
Եթե ինքնամեկուսացումը ձեզ դուր չի գալիս, ապա այս գորողություններից որոշները կարող են այն տանելի դարձնել:
ՄՆԱՑԵ՛Ք ԱՊԱՀՈՎ ԵՎ ՈՒԺԵՂ: ՇԱՏ ՍԵՐ ԲՈԼՈՐԻԴ:
Հեղնինակ՝ Քերոլին Սեմերջյան
Թարգմանիչ՝ Երանուհի Բաղդասարյան